Azərbaycan Kuboku 2025/2026 mövsümünün 1/8 final mərhələsində “Karvan-Yevlax” səfərdə “Qarabağ”la qarşılaşıb. Gərgin və maraqlı oyun nəticəsində ağdam klubu 3:0 hesabı ilə qalib gəlib.
Matç boyunca “Karvan-Yevlax” komandası meydanda maksimum mübarizə göstərib, fiziki cəhətdən yaxşı hazırlıq nümayiş etdirib və bir çox kritik müdafiə epizodlarını uğurla idarə edib. Oyunsonrası mətbuat konfransında baş məşqçi Fizuli Məmmədov komandanın səylərini yüksək qiymətləndirib və futbolçuların əzmkarlığından danışıb.
Bu nəticə ilə “Karvan-Yevlax” Azərbaycan Kuboku 1/8 final mərhələsində mübarizəni dayandırıb və diqqətini çempionat oyunlarına yönəldəcək.